అమెరికన్ మెడికల్ అసోసియేషన్ అధ్యక్షుడిగా తెలుగు వ్యక్తి ముక్కామల శ్రీనివాస్
అమెరికన్ మెడికల్ అసోసియేషన్ (AMA) అధ్యక్షుడిగా (ప్రెసిడెంట్( భారత సంతతికి చెందిన డాక్టర్ ముక్కమల శ్రీనివాస్(బాబీ) ఎన్నికయ్యారు. 178 సంవత్సరాల AMA చరిత్రలో ఈ సంస్థకు నాయకత్వం వహించిన తొలి భారతీయుడిగా శ్రీనివాస్ రికార్డ్ క్రియేట్ చేశారు . ఇటీవ చికాగోలో జరిగిన ఏఎంఏ వార్షిక సమావేశంలో కుటుంబ సభ్యులు, సహచరులు, మాజీ నాయకుల సమక్షంలో ముక్కామల శ్రీనివాస్ ఈ బాధ్యతలు చేపట్టారు
ముక్కామలకు 8 సెం.మీ. మెదడు కణితిని తొలగించడానికి శస్త్రచికిత్స జరిగిన కొన్ని నెలల తర్వాత ఆయన నియామకం జరిగింది. “నేను మాయో క్లినిక్లో మెదడు శస్త్రచికిత్స నుండి కోలుకుంటున్నప్పుడు, ట్యూబ్లు మరియు వైర్లు నా ప్రతి కదలికను పర్యవేక్షిస్తుండగా, ఈ రాత్రి – ఈ గౌరవం – ఆరోగ్య సంరక్షణను మెరుగుపరచడానికి ఈ అవకాశం చాలా సుదూర కలగా అనిపించింది” అని ఆయన గుర్తు చేసుకున్నారు.
“మన ఆరోగ్య సంరక్షణ వ్యవస్థలో మన శ్రద్ధ అవసరమయ్యే అపారమైన అంతరాలు ఉన్నాయి” అని పేర్కొంటూ, అమెరికా ఆరోగ్య సంరక్షణ సంస్కరణల అవసరాన్ని ముక్కామలకు నొక్కి చెప్పారు. “అందుకే మన రోగులకు తగినంత ఆరోగ్య కవరేజ్ కోసం పోరాటం కొనసాగించడం చాలా ముఖ్యం… మరియు స్థిరమైన, సమానమైన ఆరోగ్య సంరక్షణ నమూనా కోసం పోరాటం ఎందుకు చాలా ముఖ్యం” అని ఆయన జోడించారు.
అమెరికా ఆరోగ్య వ్యవస్థలో దీర్ఘకాలంగా నెలకొన్న సవాళ్లను పరిష్కరించడంపై తాను దృష్టి సారిస్తానని డాక్టర్ ముక్కామల స్పష్టం చేశారు. వైద్యులపై పనిభారం, సిబ్బంది కొరత, వైద్య సేవలు అందరికీ అందుబాటులో లేకపోవడం వంటి సమస్యలను ఈ సందర్భంగా ప్రస్తావించారు. జిటల్ హెల్త్ టెక్నాలజీని ప్రోత్సహించాలని అన్నారు. రానున్న రోజుల్లో ముక్కామల నాయకత్వం ఏఎంఎఏ ఆరోగ్య సంరక్షణ సంస్కరణలు, వైద్యుల సంక్షేమంపై దృష్టి సారించనుంది. అంతేకాకండా వైద్యులు, రోగుల కోసం సంస్థ తన వాణిని బలంగా వినిపిస్తుందని ఆశిస్తున్నారు.
డాక్టర్ ముక్కామల వ్యక్తిగత జీవితంలో ఎదుర్కొన్న ఒక పెను సవాలు కూడా ఉంది. గతేడాది నవంబర్లో ఆయన మెదడులో 8 సెంటీమీటర్ల కణితి (ట్యూమర్) ఉన్నట్లు తెలిసింది. మూడు వారాల తర్వాత శస్త్ర చికిత్స చేయించుకున్నారు. ఇప్పడు దృఢ సంకల్పానికి ప్రతీకగా నిలిచారు శ్రీనివాస్. తన వైద్య బృందం నైపుణ్యం, కుటుంబ సభ్యుల మద్దతు, వైద్య విజ్ఞాన శాస్త్రంలో పురోగతి వల్లే ఇప్పుడు తాను బతికి ఉన్నాని ఆయన తెలిపారు. వైద్యుడి నుంచి రోగిగా మారిన తన అనుభవం ఆరోగ్య సంరక్షణపై తన దృక్పథాన్ని మరింత మార్చిందని పేర్కొన్నారు. .
ముక్కామల శ్రీనివాస్ ఒక ప్రముఖ రేడియాలజిస్ట్, మిచిగాన్లోని ఫ్లింట్లో ప్రాక్టీస్ చేస్తున్నారు. ఆయన భారతదేశంలో జన్మించిన ఆయన అమెరికాలో వైద్య విద్యను అభ్యసించారు. గతంలోనూ ఏఎంఏలో వివిధ కీలక పదవుల బాధ్యతలు చేపట్టారు.
