TElanga To Arunachalam:అరుణాచలం.. దేశంలోనే ప్రసిద్ధమైన శైవక్షేత్రం . ఇటీవల తెలుగు రాష్ట్రాల నుంచి భక్తులు ఎక్కువగా అరుణాచలం వెళుతున్నారు . తమిళులు ఈ క్షేత్రాన్ని తిరువణ్ణామలైగా పిలుస్తారు . ఒక్కసారి అరుణాచలేస్వరుడిని దర్శించుకుంటే ఎన్నో జన్మల పుణ్యఫలం లభిస్తుందని శాస్త్రాలు చెబుతుంటాయి .
హైదరాబాద్ నుంచి అరుణాచలానికి ఒక ప్రత్యేక టూర్ ప్యాకేజీని ప్రకటించింది తెలంగాణ టూరిజం శాఖ .
హైదరాబాద్(Hyderabad) నుంచి ఆపరేట్ చేస్తున్న ఈ టూర్ ప్యాకేజీ ప్రస్తుతం సెప్టెంబర్ 15వ తేదీ నుంచి అందుబాటులో ఉంది. ఈ నెలలో టూర్ మిస్ అయితే మళ్లీ వచ్చే అక్టోబర్లో టూర్కి మరో అవకాశం కూడా ఉంది. ఇక 3 రాత్రులు, 4 రోజులు సాగే ఈ టూర్లో అరుణాచలేశ్వర ఆలయంతోపాటు కాణిపాకం, వేలూరు గోల్డెన్ టెంపుల్ కూడా కవర్ అవుతాయి.
- మొదటి రోజు టూర్ హైదరాబాద్లోని బషీర్ బాగ్ నుంచి సాయంత్రం 6.30 గంటలకు ప్రారంభమవుతుంది.
- రెండో రోజు ఉదయం 6 గంటలకు కాణిపాకం చేరుకుంటారు. అక్కడ తయారై . . ఉదయం 9 గంటల లోపు దర్శనం చేసుకుంటారు. అక్కడి నుంచి బస్సు తిరువణ్ణామలైకి బయల్దేరుతుంది .
- మధ్యాహ్నం ఒంటి గంటకు అరుణాచలం రీచ్ అవుతారు. తర్వాత అరుణాచలేశ్వరస్వామి దర్శనం పూర్తి చేసుకుంటారు. నైట్ అరుణాచలంలోనే బస చేస్తారు.
- మూడవ రోజు ఉదయం బ్రేక్ఫాస్ట్ చేసిన తర్వాత.. అక్కడి నుంచి బయల్దేరి మధ్యాహ్నానికి వేలూరు చేరుకుంటారు. తర్వాత శ్రీపురం గోల్డెన్ టెంపుల్ను దర్శించుకుంటారు. అక్కడి నుంచి తిరుగు ప్రయాణమవుతారు.
- నాలుగవ రోజు ఉదయం హైదరాబాద్కు చేరుకోవడంతో ఈ టూర్ ప్యాకేజీ పూర్తవుతుంది.
టూర్ ప్యాకేజీ ధరల వివరాలు :
- తెలంగాణ టూరిజం శాఖ ప్రకటించిన అరుణాచలం టూర్ ప్యాకేజీ ఏసీ బస్సు. టికెట్ ధర పెద్దలకు రూ.8,000 పిల్లలకు రూ.6,400.