రెబల్ స్టార్ ప్రభాస్ (Prabhas) వరుస విజయాలతో జోష్ కొనసాగిస్తున్నారు. తాజాగా ఆయన హీరోగా హను రాఘవపూడి డైరెక్షన్ (Direction) లో ఓ చిత్రం తెరకెక్కనుందన్న సంగతి తెలిసిందే. ఈ సినిమాలో ప్రభాస్ సరసన సీతారామం బ్యూటీ మృణాల్ ఠాకూర్ (Mrunal Thakur) నటించనున్నట్లు గత కొన్ని రోజులుగా సోషల్ మీడియా (Social Media)లో వార్తలు హల్ చల్ చేస్తున్నాయి.
తాజాగా ఈ రూమర్స్ పై అందాల భామ మృణాల్ ఠాకూర్ ఇన్ స్టా వేదికగా స్పందించారు. సారీ.. నేను ఈ ప్రాజెక్ట్ లో లేను అంటూ కామెంట్ చేశారు. దీంతో ఇన్ని రోజులుగా నెలకొన్న సస్పెన్స్ కు తెరపడింది. అయితే మృణాల్ సమాధానంలో అభిమానులు కాస్త నిరాశలో మునిగిపోయారని తెలుస్తోంది. హను రాఘవపూడి దర్శకత్వంలో రానున్న ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి. పాన్ ఇండియా స్థాయిలో పీరియాడికల్ డ్రామాగా సినిమా తెరకెక్కనుండగా దీనికి ఫౌజీ (Fauzi) అనే పేరును పరిశీలిస్తున్నట్లు సమాచారం. దీనికి సంబంధించిన అధికారిక ప్రకటన (Official Announcement) ఇవాళ వచ్చే అవకాశం ఉంది.