Avatar-3: ప్రపంచ సినీ పరిశ్రమలోనే ‘అవతార్’ సినిమా సంచలనం సృష్టించిన సంగతి తెలిసిందే. హాలీవుడ్ దర్శకుడు జేమ్స్ కామెరూన్ నిర్మించిన విజువల్ వండర్. అవతార్ సినిమా రెండు భాగాలు ఇప్పటికే ప్రేక్షకాదరణ పొందడంతో పాటు రూ.కోట్లు వసూలు చేశాయి.
తాజాగా అవతార్ మూడో భాగంపై కీలక అప్ డేట్ వచ్చింది. దీనిలో భాగంగా మూవీ మేకర్స్ టైటిల్ ప్రకటించడంతో పాటు రిలీజ్ డేట్ ను కూడా వెల్లడించారు. అవతార్ -ఫైర్ అండ్ యాష్ పేరుతో ఈ చిత్రం రానుండగా.. వచ్చే సంవత్సరం డిసెంబర్ 19వ తేదీన విడుదల చేయనున్నట్లు ప్రకటించారు. ప్రేక్షకుల అంచనాలకు మించిన లైవ్ యాక్షన్ ఈ చిత్రంలో కనిపిస్తాయన్న డైరెక్టర్ సరికొత్త ప్రపంచాన్ని చూపించనున్నట్లు ఓ సందర్భంలో తెలిపారు.