రెండు తెలుగు రాష్ట్రాల్లోను దసరా నవరాత్రి ఉత్సవాలు ఘనంగా జరుగుతున్నాయి. నేటితో ఆరో రోజుకు చేరాయి. ఈ రోజు మంగళవారం విజయవాడ ఇంద్రకీలాద్రిపై కొలువైన దుర్గాదేవి నేడు మహా లక్ష్మి దేవి అలంకారంలో భక్తులకు దర్శనం ఇస్తున్నారు. అమ్మలగన్న అమ్మ.. ముగ్గురమ్మల మూలపుటమ్మ దుర్గమ్మను దర్శించుకునేందుకు తెల్లవారు జామున 4 గంటల నుంచి భక్తులు బారులు దీరారు.
ఉత్సవాల్లో ఏడో రోజు బుధవారం దుర్గాదేవి మూల నక్షత్రంలో సరస్వతి దేవి అలంకారంలో భక్తులకు దర్శనం ఇవ్వనున్నారు. రేపు మధ్యాహ్నం 2 నుండి 3 గంటల మధ్య ప్రభుత్వం తరఫున సీఎం చంద్రబాబు నాయుడు పట్టు వస్త్రాలు సమర్పించనున్నారు. మూల నక్షత్రం రోజున ఇంద్రకీలాద్రిపై చంద్రబాబు భువనేశ్వరి దంపతులు అమ్మవారిని దర్శించుకోనున్నారు.