Gold Medalist Rei Higuchi : పారిస్ ఒలింపిక్స్ -2024 లో స్వర్ణం వరకు చేరుకొని అనర్హతకు గురైన భారత రెజ్లర్ వినేష్ ఫోగాట్ రిటైర్మెంట్ ప్రకటించిన సంగతి తెలిసిందే.
ఈ మేరకు రెజ్లింగ్ కు రిటైర్మెంట్ ప్రకటిస్తూ ట్విట్టర్ వేదికగా పోస్ట్ పెట్టారు. భారత స్టార్ రెజ్లర్ వినేష్ ఫోగాట్ ఫైనల్ కు చేరుకొని వంద గ్రాముల అదనపు బరువు కారణంగా అనర్హతకు గురయ్యారు. దీంతో తీవ్ర మనస్తాపానికి గురైన ఆమె రెజ్లింగ్ కు వీడ్కోలు చెప్పారు. దీనిపై పురుషుల 57 కేజీల విభాగంలో బంగారం పతకం సాధించిన రే హిగుచి సోషల్ మీడియా వేదికగా స్పందించారు. ఇందులో భాగంగా వినేష్ ఫోగాట్ తన రిటైర్మెంట్ నిర్ణయాన్ని వెనక్కి తీసుకోవాలని ఆయన కోరారు. పారిస్ ఒలింపిక్స్ లో భాగంగా పురుషుల 57 కేజీల ఫ్రీస్టైల్ విభాగంలో జపాన్ కు చెందిన రీ హిగుచి స్వర్ణ పతకాన్ని సాధించారు.