ఓ వెబ్‌ సిరీస్‌లో అక్కినేని నాగ చైతన్య నటించనున్నారని సోషల్ మీడియాలో జోరుగా ప్రచారం సాగుతోంది. అయితే దీనిపై నాగ చైతన్య టీమ్ స్పందించింద. ఆ వార్తల్లో నిజం లేదని స్పష్టం చేసింది. నాగ చైతన్య నటించిన తొలి వెబ్‌ సిరీస్ ‘దూత’ ప్రేక్షకులను ఆకట్టుకుంటోంది. దీంతో ఆయన మరో సిరీస్‌లో నటించేందుకు గ్రీన్ సిగ్నల్ ఇచ్చారని ప్రచారం సాగుతోంది. ప్రస్తుతం నాగ చైతన్య ‘తండేల్’ మూవీపైనే దృష్టి పెట్టారని, అవన్నీ కేవలం రూమర్స్‌ అని టీమ్ ఖండించింది.
నాగ చైతన్య నటిస్తున్న ‘తండేల్’ పాన్ ఇండియా స్థాయిలో రూపొందుతోంది. శ్రీకాకుళం జిల్లా డి మత్స్యలేశం గ్రామంలో చోటు చేసుకున్న పలు సంఘటనల ఆధారంగా చందూ మొండేటి దర్శకత్వంలో ఆ మూవీ తెరకెక్కిస్తున్నారు. దేశభక్తి అంశాలతో పాటు ప్రేమకథతో రూపొందుతున్న ఈ మూవీలో రాజు అనే మత్స్యకారుడుగా నాగ చైతన్య నటిస్తున్నారు. నాగ చైతన్య సరసన హీరోయిన్‌గా సాయి పల్లవి నటిస్తోంది.