జూనియర్ ఎన్టీ ఆర్ ప్రముఖ ద‌ర్శ‌కుడు కొరటాల శివ కాంబినేష‌న్‌లో ఇటీవ‌ల వ‌చ్చిన మూవీ ‘దేవర’. ఈ సినిమా పాజిటివ్ టాక్‌తో దూసుకుపోతోంది. మంచి వ‌సూళ్లు రాబ‌డుదోంది. అందులో భాగంగా దేవర టీం సినిమా స‌క్సెస్ పార్టీ నిర్వ‌హించారు. ఈ సందర్భంగా హీరో తార‌క్ డైరెక్ట‌ర్ కొరటాల శివ‌పై చేసిన వ్యాఖ్య‌లు ఆసక్తికరంగా మారాయి.
కొరటాల శివతో నా ప్రయాణం బృందావ‌నం చిత్రంతో మొద‌లైంది. అతడు ఇప్పుడు నా కుటుంబ స‌భ్యుడిగా మారారు. దేవర-2 మూవీ షూటింగ్ కోసం చాలా ఆస‌క్తిగా ఎదురుచూస్తున్నాఅని ఎన్టీఆర్ అన్నారు. నిర్మాణ సంస్థ ఎన్టీఆర్ ఆర్ట్స్ త‌న‌కు, క‌ల్యాణ్ రామ్‌కు హ‌రికృష్ణ కొస‌రాజు వెన్నెముక‌లాంటి వారు అని అన్నారు. ఆయ‌న వ‌ల్లే ఎన్టీఆర్ ఆర్ట్స్ ఉంద‌ని చెప్పారు? ప్రముఖ హీరోయిన్ శ్రీదేవి కూతురు జాన్వీ క‌పూర్ దేవ‌ర‌లో ఎన్టీఆర్ స‌ర‌స‌న తొలిసారి హీరోయిన్‌గా నటించింది.
అలాగే మ‌రో బాలీవుడ్ స్టార్‌ సైఫ్‌ అలీఖాన్ ప్ర‌తినాయ‌కుడిగా క‌నిపించారు. ప్రకాశ్ రాజ్‌, శ్రీకాంత్‌, మురళీ శర్మ, మలయాళ న‌టుడు షైన్ టామ్ ఛాకో త‌దిత‌రులు ఇతర కీలక పాత్రల్లో ఆకట్టుకున్నారు. ఈ చిత్రాన్ని ఎన్టీఆర్ ఆర్ట్స్, యువ‌సుధ ఆర్ట్స్ బ్యానర్ సంయుక్తంగా నిర్మించాయి. త‌మిళ యువ సంగీత ద‌ర్శ‌కుడు అనిరుధ్ ర‌విచంద‌ర్ బాణీలు అందించారు.