Hardik Pandya Dating: భారత క్రికెటర్ హార్దిక్ పాండ్యా ( Hardik Pandya) బ్రిటిష్ గాయకురాలు జాస్మిన్ వాలియా (Jasmin Walia) తో డేటింగ్ చేస్తున్నాడంటూ ఓ వార్త హాల్ చల్ చేస్తోంది. హార్దిక్ పాండ్యా భార్య నటాసా స్టాంకోవిక్ నుండి విడిపోతున్నట్లు ఇప్పటికే ప్రకటించిన సంగతి తెలిసిందే. ఈ ప్రకటన వచ్చిన నెల తరువాత హార్దిక్, జాస్మిన్ గ్రీస్ (Greece) లో విహారయాత్ర చేస్తున్నట్లు కనిపించడంతో నెటిజన్లు (Netizens) సందడి చేస్తున్నారు.
హార్దిక్ పాండ్యా మరియు జాస్మిన్ వాలియా ఒకే లొకేషన్ (Same Location) లో దిగిన ఫోటోలు అభిమానులను ఆకట్టుకున్నాయి. స్విమ్మింగ్ పూల్ వద్ద నీలిరంగు దుస్తుల్లో జాస్మిన్ కనిపిస్తుండగా.. అదే ఫూల్ వద్ద హార్దిక్ పాండ్యా ఫొటోలు కూడా ఉన్నాయి. దీంతో వారిద్దరి మధ్య ఏదో నడుస్తుందని సోషల్ మీడియా ( Social Media) వేదికగా ప్రచారం జోరందుకుంది. భార్యతో విడాకుల అనంతరం హార్దిక్ పాండ్యా తన ఒంటరితనాన్ని పోగొట్టుకునేందుకు విహారయాత్రలో ఉన్నాడని, తనకు తగిన జోడితో కనిపిస్తున్నాడని నెటిజన్లు భిన్నాభిప్రాయాలు వెల్లడిస్తున్నారు.
నెటిజన్ల కామెంట్స్ కు తగ్గట్లుగా హార్దిక్ పాండ్యా ఆ స్విమ్మింగ్ పూల్ వీడియోను సోషల్ మీడియాలో పోస్ట్ ( Post) చేశారు. దాన్ని జాస్మిన్ లైక్ చేయడంతో నెటిజన్ల ఆరోపణలకు మరింత బలం చేకూరినట్లయింది. మరోవైపు వారిద్దరి ఇన్ స్టా (Insta Account) లో పరస్పరం ఫాలో అవుతున్నారని తెలుస్తోంది. మొత్తానికి హార్దిక్ పాండ్యా, జాస్మిన్ విహారయాత్రకు సంబంధించిన వ్యవహారం సామాజిక మాధ్యమాల్లో విస్తృతంగా ప్రచారం అవుతోంది.