‘జూబ్లీహిల్స్‌లో 55 నుంచి 60 పబ్‌లు ఉన్నాయి. రోడ్ నెంబర్ 12, రోడ్ నెం.36లో రోజుకో ప్రమాదం జరుగుతోంది. బడాబాబులు సంపాదిస్తుంటే వారి పిల్లలు పబ్‌లో హంగామా చేస్తున్నారు. ర్యాష్ డ్రైవింగ్ చేస్తూ ప్రమాదాల పాల్పడుతున్నారు’ అంటూ హైకోర్టు వ్యాఖ్యానించింది. హైదరాబాద్‌లో రోడ్డు ప్రమాదాలపై హైకోర్టు కీలక వ్యాఖ్యలు చేసింది. బంజారాహిల్స్, జూబ్లీహిల్స్ ప్రాంతాల్లో నిత్యం రోడ్డు ప్రమాదాలు జరుగుతున్నాయి. పబ్‌లకు కొన్ని నిబంధనలు విధించాలని, పబ్‌ల బయట డ్రైవ్‌లు నిర్వహిస్తూ ప్రమాదాలు నివారించాలని అడిషనల్ అడ్వొకేట్ జనరల్‌కు హైకోర్టు సూచించింది.
