హైదరాబాద్: టాలీవుడ్ స్టార్ హీరో నాగార్జున కుటుంబం పై తెలంగాణ మంత్రి కొండా సురేఖ చేసిన వివాదస్పద వ్యాఖ్యలు ఇప్పుడు తెలుగు రాష్ట్రాల్లో కలకలం రేపుతున్నాయి. తమ కుటుంబ గౌరవాన్ని, ప్రతిష్టను దెబ్బతీసేలా కొండా సురేఖ మాట్లాడారని అక్కినేని నాగార్జున కోర్టును ఆశ్రయించారు. ఆమెపై నాంపల్లి కోర్టులో పరువునష్టం దావా వేశారు. అలాగే ఆమె పై క్రిమినల్ చర్యలు తీసుకోవాలని పిటిషన్ వేశారు. ఈ కేసుపై నేడు (శుక్రవారం) కోర్టులో విచారణ జరగాల్సి ఉంది. కానీ న్యాయముర్తి సెలవులో ఉండడంతో విచారణ సోమవారానికి వాయిదా పడింది. ఈ కేసుపై అక్టోబర్ 7న విచారణ జరుగుతుందని న్యాయస్థానం తెలిపింది.