బెంగళూరు: బెంగళూరులోని చిన్నస్వామి స్టేడియంలో ఉదయం 9.30 గంటలకు భారత్ , న్యూజిలాండ్ మధ్య జరగాల్సిన టెస్ట్ మ్యాచ్‌కు వర్షం అంతరాయం కలిగించింది. ఉదయం 9 గంటలకు జరగాల్సిన టాస్ వాయిదా పడింది. వర్షం తగ్గిన తర్వాతే టాస్ నిర్వహిస్తారు. కానీ, బుధవారం బెంగళూరులో భారీ వర్షం కురిసే అవకాశం ఉన్నందున భారత్-న్యూజిలాండ్ జట్ల మధ్య తొలి టెస్టు తొలిరోజు ఆట జరగడం అనుమానమేనని అంటున్నారు.
రెండో రోజు కూడా 80 శాతం వర్షాలు కురుస్తాయని వెదర్.కామ్ నివేదిక వెల్లడించింది. అందుకే తొలి రెండు రోజులు ఆట జరగడం అనుమానమే. మూడు, నాల్గవ రోజు వర్షం కురిసే అవకాశం 60% ఉంది. అయితే, ఆ రెండు రోజులు కూడా పూర్తి ఆటను ఆశించలేం. అలాగే, ఐదో రోజు కూడా 70 శాతం వర్షం కురుస్తుందని వెదర్ డాట్ కామ్ నివేదిక పేర్కొంది. అందువల్ల భారత్, న్యూజిలాండ్ మధ్య తొలి టెస్టు మ్యాచ్ జరిగే అవకాశం లేదు. అయితే, మ్యాచ్‌కు వర్షం అంతరాయం కలిగించడం దాదాపు ఖాయమైంది.
భారత్, న్యూజిలాండ్ మధ్య రెండో టెస్టు మ్యాచ్ అక్టోబర్ 24 నుంచి ప్రారంభం కానుంది. పుణెలోని మహారాష్ట్ర క్రికెట్ అసోసియేషన్ స్టేడియంలో అక్టోబర్ 28 వరకు మ్యాచ్ జరగనుంది. మూడో మ్యాచ్ ముంబైలోని వాంఖడే స్టేడియంలో జరగనుండగా, ఈ మ్యాచ్ నవంబర్ 1 నుంచి నవంబర్ 5 వరకు జరగనుంది.