ఎప్పటి నుంచో ఎదురు చూస్తన్న అల్లు అర్జున్ ఫ్యాన్స్ కు అదిరిపోయే అప్ డేట్ వచ్చేసింది. అల్లు అర్జున్, డైరెక్టర్ సుకుమార్‌ కాంబినేషన్ లో రూపొందిన సంచలనాత్మక చిత్రం పుష్ప. ఆ హేంగోవర్ ఇంకా దిగలేదనే చెప్పాలి. పుష్ఫతో ఐకాన్ స్టార్ అల్లు అర్జున్ స్టార్ డం ఎక్కడికో పోయింది. బాలీవుడ్ లో కూడా క్రేజీ స్టార్ డం వచ్చిపడింది. అదే వేగంతో వారిద్దరి కలయికలో పుష్పకు సీక్వెల్ చిత్రీకరణలో నిమగ్నమయ్యారు. పుష్ఫ 2ను రూపొందిస్తున్నారు. పుష్ఫ విజయాన్ని దృష్టిలో ఉంచుకుని పష్ప 2ను మరింత అంచనాలతో రూపొందిస్తున్నారు. దీంతో అందరి దృష్టి పుష్ప 2 మీదే పడింది. దానికి సంబంధించి ఏ అప్ డేట్ వచ్చినా ఫ్యాన్స్ పండుగ చేసుకుంటున్నారు.
ఈ క్రమంలో పుష్ప-2 దిరూల్‌. డిసెంబరు 6న పుష్ప దిరూల్‌ను ప్రపంచవ్యాప్తంగా విడుదల చేయనున్నారు. మరో 50 రోజుల్లో థియేటర్లో పుష్పరాజ్‌ రూల్‌ ప్రారంభం.. అంటూ ఓ మాసివ్ పోస్టర్‌ను వదిలారు. అల్లు అర్జున్ ఎగ్రెసివ్‌ మాసివ్ లుక్‌తో..డాన్‌లా కూర్చొని వున్న ఓ న్యూ పోస్టర్‌ను విడుదల చేశారు.
ప్రస్తుతం చిత్రీకరణ దశలో వున్నపుష్ప ది రూల్‌ చిత్రం ఇప్పటికే వెయ్యి కోట్ల ప్రీరిలీజ్‌ బిజినెస్‌ పూర్తిచేసుకుందని ట్రేడ్‌ వర్గాలు చెబుతున్నాయి. దేవిశ్రీప్రసాద్‌ సంగీత సారథ్యంలో రూపొందిన రెండు పాటలను ఇప్పటికే విడుదల చేశారు. ఆ లిరికల్ వీడియోలకు అనూహ్యమైన స్పంద వచ్చింది. మరో రెండు పాటలను నవంబరులో విడుదల చేయడానికి ప్లాన్‌ చేస్తున్నారు.