NTR: బాలీవుడ్ లో ఎన్టీఆర్ ‘వార్’ మొదలైంది..

ఇటీవల విడుదలైన దేవర సినిమాకు మిశ్రమ స్పందనలు వచ్చినా కలెక్షన్లు బాగానే వచ్చాయి. దీంతో  ఖుషీగా ఉన్నాడు ఎన్టీఆర్‌. దేవర మూవీ  రెండు, మూడో వారం వసూళ్లు  స్టడిగా నిలిచాయి దీంతో కమర్షియల్‌ గా  ఘన విజయంగానే భావిస్తున్నారు. ఈ చిత్రానికి ముఖ్యంగా దసరా సెలవులు మంచి అడ్వాంటేజీగా మారిందని చెబుతున్నారు సినీ ప్రముఖులు.

దేవర  విజయం ఉత్సాహంలో ఉన్న ఎన్టీఆర్‌  డైరెక్ట్ గా బాలీవుడ్‌లో నటిస్తున్న తొలిచిత్రం వార్‌-2. ఈ చిత్రం షూటింగ్‌లో పాల్గొనడానికి శనివారం ముంబైకి బయలుదేరాడు. అయితే అంతకు ముందే  ఈ చిత్రం షూటింగ్‌లో పాల్గొన్నాడు ఎన్టాఆర్. కొన్ని కారణాల వల్ల దానికి విరామం వచ్చింది. ఇప్పుడు మళ్లీ  షూటింగ్‌ మళ్లీ మొదలైంది.

ఈ వార్ 2 మూవీ బాలీవుడ్‌లో ఘనవిజయం సాధించిన వార్‌ చిత్రానికి సీక్వెల్‌. మొదటిభాగంలో హృతిక్‌ రోషన్‌, టైగర్‌ ష్రాఫ్‌ నటించారు. ఇప్పుడు సీక్వెల్‌లో టైగర్ ష్రాఫ్‌ స్థానంలో ఎన్టీఆర్‌ నటిస్తున్నారు. ఎన్టీఆర్‌, హృతిక్‌ రోషన్‌ తొలి కలయికలో ఈ చిత్రం రూపొందుతోంది. బిగ్గెస్ట్‌ యాక్షన్‌ ఎంటర్‌టైనర్‌గా రెడీ అవుతున్న వార్‌-2 చిత్రాన్ని 2025 ప్రారంభంలో  విడుదల చేయడానికి ప్లాన్‌ చేస్తున్నారు.