నందమూరి వంశంలో మూడోతరం హీరో మోక్షజ్ఞ సినిమా కోసం నందమూరి అభిమానులు ఆసక్తిగా ఎదురు చూస్తున్నారు . నందమూరి అభిమానులు ఎదురు చూస్తున్న స‌మ‌యం వ‌చ్చేసింది. బాలకృష్ణ తనయుడు స్క్రీన్ పై ఎప్పుడు కనిపిస్తాడా అని ఆసక్తిగా ఎదురుచూస్తున్న వారికి ఆనందకర వార్త ఇది . క్రియేటివ్ మేకర్ ప్రశాంత్ వర్మ దర్శకత్వంలో నందమూరి తారక రామారావు మనవడు మరియు నందమూరి బాలకృష్ణ తనయుడు నందమూరి మోక్షజ్ఞ హీరోగా ఎంట్రీ ఇస్తున్నాడు. ఈ రోజు మోక్షజ్ఞ జ‌న్మ‌దినాన్ని పుర‌స్క‌రించుకుని ఆయ‌న లుక్‌ను రివీల్ చేశారు. ప్రశాంత్ వర్మ సినిమాటిక్ యూనివర్స్ (PVCU)లో భాగమైన ఈ చిత్రాన్ని సుధాకర్ చెరుకూరి తన SLV సినిమాస్‌పై లెజెండ్ ప్రొడక్షన్స్‌తో కలిసి భారీ స్థాయిలో బ్యాంక్రోల్ చేయనున్నారు. బాలకృష్ణ చిన్న కుమార్తె తేజస్విని మతుకుమిల్లి ఈ చిత్రానికి సమర్పకురాలిగా వ్యవహరించనున్నారు .
