- ‘యెల్లమ్మ’ సినిమాకు నితిన్ హీరో .
- 2025 జనవరి నుంచి చిత్రీకరణ ప్రారంభం
చిన్న బడ్జెట్ తో అనూహ్య విజయాన్ని అందుకున్న ”బలగం ‘ ‘ దర్శకుడు వేణు మరో సెల్యులాయిడ్ రూపొందించడానికి సన్నాహాలు చేస్తున్నారు . యెల్లమ్మ టైటిల్ ను ఇప్పటికే ఖరారు చేసారు .
తెలంగాణ సంస్కృతి, సంప్రదాయాలు, తెలంగాణ యాసను నేపథ్యంగా తీసుకుని, వాటికి బలమైన కుటుంబ భావోద్వేగాలను జత చేసి కమెడియన్‌ వేణు తెరకెక్కించిన చిత్రం ‘బలగం’. విశేషమైన జనాదరణతో ఈ చిత్రం తెలుగు సినిమాల్లో వన్‌ ఆఫ్‌ ద బెస్ట్‌ సినిమాగా నిలిచింది.
- శ్రీ వెంకటేశ్వర క్రియేషన్స్‌ పతాకంపై ‘దిల్‌’రాజు ఈ చిత్రాన్ని నిర్మించారు. కాగా ‘బలగం’ తరువాత దర్శకుడు వేణు ‘యెల్లమ్మ’ అనే స్పిరిట్యుయల్ బ్యాక్ రౌండ్ తో ఓ కద రూపొందించుకున్నాడు . హీరో నాని అయితే బాగుందని వేణు మునుఁడు నుంచీ అనుకుంటున్నారు . గ్రీన్‌ సిగ్నల్‌ ఇవ్వకపోవడంతో, వేణు గత కొంతకాలంగా ఈ కథకు సూట్ అయ్యే మరో హీరో కోసం అన్వేషిస్తున్నాడు. గత కొన్ని రోజులుగా ఈ కథ, హీరో నితిన్‌కు నచ్చడంతో ఆయన గ్రీన్‌ సిగ్నల్‌ ఇచ్చాడని చెపుతున్నారు .
- ప్రముఖ నిర్మాత ‘దిల్‌’రాజు ఈ విషయాన్ని కన్‌ఫర్మ్‌ చేశాడు. ‘బలగం’ వేణు-నితిన్ కాంబినేషన్‌లో ‘యెల్లమ్మ’ చిత్రం వచ్చే ఏడాది జనవరిలో సెట్స్‌ మీదకు వెళ్లనుందని దిల్‌ రాజు తెలియజేశారు. ప్రస్తుతం తమ సంస్థలో రామ్‌చరణ్‌తో ‘గేమ్‌ ఛేంజర్‌’, వెంకటేష్‌ -అనిల్‌ రావిపూడి కలయికలో ‘సంక్రాంతికి వస్తున్నాం’ నితిన్‌తో ‘తమ్ముడు’, విజయ్‌ దేవరకొండతో ఓ సినిమా, ఆశిష్‌తో ‘సెల్ఫీష్‌’ సినిమాలు నిర్మిస్తున్నానని ‘దిల్‌ రాజు ఈ సందర్భంగా ప్రకటించారు .