అగ్రరాజ్యం అమెరికాలో పెను విషాదం చోటుచేసుకుంది . వాషింగ్టన్‌ సమీపంలో ఆర్మీ హెలికాప్టర్‌ను ఢీకొన్న అమెరికన్ ఎయిర్లైన్స్ విమానంలో ఉన్న వారంతా మరణించినట్లు భావిస్తున్నట్లు అగ్నిమాపక అధికారి తెలిపారు. ప్రయాణికుల విమానం నుంచి 27 మంది మృతదేహాలు, హెలికాప్టర్ నుంచి ఒకరి మృతదేహం ఇప్పటి వరకు వెలికి తీసినట్లు చెప్పారు. ప్రమాద సమయంలో విమానంలో 64 మంది ఉన్నారు. ఆ సైనిక హెలికాప్టర్ విమానం వెళ్లే మార్గంలోకి ఎందుకు వచ్చిందో తెలియదని అమెరికన్ ఎయిర్లైన్స్ చీఫ్‌ వ్యాఖ్యానించారు. ప్రమాదం కారణంగా విమానం మూడు ముక్కలై నదిలో పడిపోయిందని అధికారులు వెల్లడించారు.
