బెంబేలెత్తిస్తున్న టొమాటో ఫ్లూ

కరోనా మహమ్మారి నుంచి ఇప్పుడిప్పుడే బయటపడుతున్నాం. ఆ భయాన్నుంచి బయటపడే మరో వైరస్ బెంబేలెత్తిస్తోంది. అదే టమాటా వైరస్. ఇది ఒక రకమయిన జ్వరం. కేరళలో అది వెగుగుచూసింది. ఈ ఫ్లూ 5ఏళ్ల లోపు చిన్నారులకే  సోకుతోంది. దాని ప్రభావంతో చిన్నారులు తీవ్ర జ్వరం, వాంతులు, విరేచనాలు, ఇతర లక్షణాలతో ఆసుపత్రుల్లో చేరుతున్నారు. కొల్లాంలో 80 మంది చిన్నారులు ఇప్పటికే ఆసుపత్రుల్లో చేరారు. దీని ప్రభావంతో చర్మంపై ఎర్రటి టొమాటో ఆకారం లో బొబ్బలు వస్తాయి. అందుకనే దానికా పేరు పెట్టినట్టు నిపుణులు చెబుతున్నారు.

ఈ ఫ్లూ బారినపడిన వారిలో తీవ్రమైన జ్వరం, నీరసం, ఒళ్లు నొప్పులు, డీహైడ్రేషన్ వంటి లక్షణాలు ఉంటున్నాయి. కొందరు చిన్నారుల్లో జలుబు, దగ్గు, కడుపునొప్పి, వాంతులు, విరేచనాలు, చేతులు, మోకాళ్లు, పిరుదులు రంగు మారుతాయని వెల్లడయింది. ఈ వైరస్ ఇతర ప్రాంతాలకు కూడా వ్యాపించే ప్రమాదం ఉందని కేరళ ఆరోగ్యశాఖ అధికారులు హెచ్చరిస్తున్నారు. దీంతో పక్కనే ఉన్న తమిళనాడు అప్రమత్తమైంది. కేరళ నుంచి వచ్చే వారికి సరిహద్దుల్లోనే పరీక్షలు చేస్తున్నారు. వ్యక్తిగత పరిశుభ్రతను పాటించడంతోపాటు శరీరంలో నీటి స్థాయులు తగ్గకుండా చూసుకోవడం ద్వారా టమాటా వైరస్‌కు దూరంగా ఉండొచ్చని నిపుణులు చెబుతున్నారు.