బాలీవుడ్ సినిమాలు , వెబ్ సిరీస్ . . దక్షిణాది భాషల్లో పాపులర్ అవుతున్నాయి . తాజాగా బాలీవుడ్ స్టార్ హీరో విక్కీ కౌశర్ లీడ్ రోల్లో తెరకెక్కిన ‘ఛావా’ బాక్సాఫీస్ వద్ద దూసుకుపోతోంది. లక్ష్మణ్ ఉటేకర్ దర్శకత్వం వహించిన ఈ హిస్టారికల్ యాక్షన్ డ్రామాకు దేశవ్యాప్తంగా పాజిటివ్ రెస్పాన్స్ వస్తోంది. ఇప్పటికే ఈ సినిమా రూ.150 కోట్ల వసూళ్లు సాధించింది. తెలుగు రాష్ట్రాల్లోనూ ‘ఛావా’ రెస్పాన్స్ అదిరిపోతోంది. కానీ, ఈ సినిమాను మేకర్స్ కేవలం హిందీలోనే రిలీజ్ చేశారు. ఈ నేపథ్యంలో తెలుగు వెర్షన్లోనూ అందుబాటులోకి తీసుకురావాలని టాలీవుడ్ ఫ్యాన్స్ నుంచి డిమాండ్లు వినిపిస్తున్నాయి.
వాస్తవానికి సినిమా ఏదైనా, హీరో ఎవరైనా కథ బాగుంటే ఆదరించడంలో తెలుగు అభిమానులు ఎల్లప్పుడూ ముందుంటారు. ‘కేజీఎఫ్’, ‘కాంతారా’ లాంటి సినిమాలతో ఇది గతంలో నిరూపితమైంది. కథలో బలం ఉంటే టాలీవుడ్ ఆడియెన్స్ లాంగ్వేజ్ బౌండరీలు దాటి మరీ సినిమాను ఆదరిస్తారు. తాజాగా ‘ఛావా’ విషయంలోనూ అదే జరుగుతోంది. రీలీజైన రోజు నుంచే తెలుగు రాష్ట్రాల్లో సినిమా మంచి ఆక్యుపెన్సీతో రన్ అవుతోంది.