అశ్వగంధ ఒక పురాతన ఔషదం. అశ్వగంధను వేల సంవత్సరాల నుంచీ ఆయుర్వేదంలో వాడుతున్నారు.దీనిలో ఔషదగుణాలు పుష్కలంగా ఉంటాయి. దీనిలో యాంటీ ఆక్సిడెంట్, యాంటీ ఇన్ఫ్లమేటరీ, యాంటీ స్ట్రెస్, యాంటీ బాక్టీరియల్ ఏజెంట్, రోగనిరోధక వ్యవస్థను మెరుగుపరచడం వంటి లక్షణాలు ఉన్నాయి. అశ్వగంధతో ఆరోగ్యకరమైన ప్రయోజనాలెన్నో ఉన్నాయి. ఇది మనలో ఒత్తిడిని దూరం చేస్తుంది. అశ్వగంధ మన బ్రెయిన్కి ఎంతో మేలు చేస్తుంది. బ్లడ్ షుగర్ లెవెల్స్ తగ్గించగలదు, పురుషులలో స్పెర్మ్ కౌంట్ పెంచగలదు. అశ్వగంధ తీసుకుంటే మహిళలకు ఎంతో మేలు జరుగుతుందని నిపుణులు చెబుతున్నారు. మహిళల రోగనిరోధక శక్తిని పెంచడానికి, నాడీ వ్యవస్థను శాంతపరచానికి, వృద్ధాప్యాన్ని నిరోధించడానికి అశ్వగంధ సహాయపడుతుంది. దీన్ని వాడటం వల్ల శారీరకంగానూ మానసికంగానూ కూడా ఆరోగ్యంగా ఉండొచ్చని నిపుణులు చెబుతున్నారు.
పురుషల కంటే మహిళలలో థైరాయిడ్ సమస్యలు ఎక్కువగా ఉంటాయి. థైరాయిడ్ సమస్యను పరిష్కరించడానికి అశ్వగంధ సమర్థవంతంగా పనిచేస్తుంది. థైరాయిడ్ ఉన్న ఎలుకలపై జరిపిన అధ్యయనం ప్రకారం, అశ్వగంధ థైరాయిడ్ పనితీరును మెరుగుపరుస్తుంది. థైరాయిడ్ ఉన్న ఎలుకలకు అశ్వగంధ మూలాలను క్రమం తప్పకుండా ఇచ్చారు. అశ్వగంథ థైరాయిడ్ పనితీరును మెరుగుపరుస్తుందని కనుగొన్నారు. హైపోథైరాయిడిజం సమస్య ఉన్నవారు, రోజూ అశ్వగంధ తీసుకుంటే మంచిదని అధ్యయనాలు వెల్లడించాయి.
బరువు తగ్గుతారు..
అశ్వగంధలో పుష్కలంగా ఉండే యాంటీ ఆక్సిడెంట్స్ శరీర జీవక్రియను వేగవంతం చేస్తాయని ఓ అధ్యయనం వెల్లడించింది. అశ్వగంధ శరీరంలో కొవ్వును కరిరిగంచడంలో సహాయపడుతుంది. ఇది రక్తంలో చక్కెర స్థాయులను, ట్రైగ్లిజరైడ్లను తగ్గించడంలో కూడా ప్రభావవంతంగా పని చేస్తుంది.
ఒత్తిడి కారణంగా ఆహారం ఎక్కువగా తీసుకుంటారు అనేది ఇప్పటికే అనేక పరిశీలనల్లో స్పష్టమైంది. అయితే అశ్వగంథ వల్ల ఆందోళన, ఒత్తిడి వంటివి తగ్గుతాయనీ తద్వారా ఫుడ్ క్రేవింగ్ కూడా తగ్గడంతో బరువు అదుపులో ఉంటుందనీ తాజా పరిశోధనలూ చెబుతున్నాయి.
వెజైనల్ ఇన్ఫెక్షన్..
అశ్వగంధలో యాంటీమైక్రోబయల్, యాంటీ బాక్టీరియల్ లక్షణాలు పుష్కలంగా ఉంటాయి. ఇవి వెజైనల్ ఇన్ఫెక్షన్లను తగ్గించడానికి సహాయపడతాయి. వెజైనల్ ఇన్ఫెక్షన్తో బాధపడే వారు, అశ్వగంధ వాడితే త్వరగా ఉపశమనం లభిస్తుందని నిపుణులు చెబుతున్నారు.