ఈ ఏడాది రు.12 వేల కోట్ల టర్నోవర్: మార్గదర్శి ఎండీ శైలజ కిరణ్

ఈ  ఆర్థిక సంవత్సరానికి మార్గదర్శి చిట్‌ ఫండ్‌ టర్నోవర్‌ రూ.12,000 కోట్లకు చేరే అవకాశం ఉందని మార్గదర్శి చిట్‌ ఫండ్‌ మేనేజింగ్‌ డైరెక్టర్‌ సీహెచ్‌ శైలజా కిరణ్‌ తెలిపారు.  గత ఆర్థిక సంవత్సరంలో టర్నోవర్‌ రూ.9,712 కోట్లు నమోదైందని తెలిపారు. కంపెనీ 60 ఏళ్లు పూర్తి చేసుకున్న సందర్భంగా ఆమె మాట్లాడారు. ఇప్పటి వరకూ 60 లక్షల మందికి పైగా చందాదారులకు సేవలు అందించాం. 1962లో మార్గదర్శి సేవలను ప్రారంభించింది. తెలంగాణ, ఆంధ్రప్రదేశ్‌, తమిళనాడు, కర్ణాటకల్లో 108 శాఖలతో సేవలు అందిస్తున్నామని శైలజా కిరణ్‌ స్పష్టం చేసారు.  వ్యాపారపరంగా, శాఖలపరంగా మార్గదర్శి అగ్రస్థానంలో ఉందన్నారు. ఖాతాదారుల నమ్మకాన్ని నిలబెట్టుకుంటూ విలువైన సేవలు అందిస్తామని భరోసా ఇచ్చారు.