Rain Alert in Andhra : బంగాళాఖాతంలో అల్పపీడనం ఎడతెరిపిలేని వర్షాలు కురిసి పది రోజుల గడువు తర్వాత మరో అలెర్ట్ . . పశ్చిమ మధ్య బంగాళాఖాతం, పరిసర ప్రాంతాల్లో ఇవాళ అల్పపీడనం ఏర్పడే అవకాశం ఉందని ఏపీ వాతావరణ శాఖ వెల్లడించింది. ఈ ప్రభావంతో రాబోయే మూడు రోజుల్లో రాష్ట్ర వ్యాప్తంగా పలు ప్రాంతాల్లో ఓ మోస్తరు వర్షాలు కురుస్తాయని అంచనా వేసింది. పార్వతీపురం మన్యం, అల్లూరి సీతారామరాజు, ఏలూరు, కృష్ణా, ఎన్టీఆర్, గుంటూరు, పల్నాడు , బాపట్ల, ప్రకాశం, కర్నూలు, అనంతపురం , నంద్యాల, శ్రీ సత్యసాయి జిల్లాల్లో మోస్తరు నుంచి భారీ వర్షాలకు అవకాశముందని వాతావరణ శాఖ అధికారులు హెచ్చరించారు . మిగిలిన ప్రాంతాల్లో తేలికపాటి నుంచి ఓ మోస్తరు వర్షాలు కురిసే అవకాశం ఉందని పేర్కొన్నారు.ఈ క్రమంలోనే విజయనగరం, అల్లూరి సీతారామరాజు, శ్రీ పొట్టిశ్రీరాములు నెల్లూరు, శ్రీ సత్యసాయి, ప్రకాశం, పార్వతీపురం మన్యం, చిత్తూరు పలు జిల్లాల్లో వర్షాలు కురిశాయి. సోమవారం ఉదయం 10-10.30 సమయంలో కాకినాడ , అంబెడ్కర్ కోనసీమ , అల్లూరి జిలాలలో పలు చోట్ల ఓ మోస్తరు వర్షం కురిసింది .
